هو يعني إيه #تحطيط_الأعمدة يا باشمهندس ؟؟

- هو يعني إيه #تحطيط_الأعمدة يا باشمهندس ؟؟ 🙄

- (جوا - جوا) ، (برا - جوا) ، (برا - برا ) ..
كلمات بنسمعها كتير في الموقع واحنا بنحطط الأعمدة ومش عارفين معناها ؟؟ 🙄

ولأن موضوع تحطيط الأعمدة من أهم المواضيع المُتعلقة بمجال تنفيذ المنشآت الإعتيادية واللي فعلاً بيعمل مشكلة عند ناس كتير .. وبرضو كُونك مهندس موقع أو مهندس تنفيذ بيخليك مُجبَر دايماً تكون عارف اجابة السؤال دا .. 🔥

ف ركز معايا بقي ويالا بينا نخش في التفاصيل .. 🔥🏃‍♂️

بكل بساطة تحطيط الأعمدة عبارة عن خطوة تابعة لأعمال التنفيذ الخاصة بالنجارة المُسلحة بالموقع واللي هدفها الرئيسي هو التأكد التام من توقيع الأعمدة في أماكنها الصحيحه بكل دقة تفادياً لحدوث أي ترحيل لمكان العمود .👌

والموضوع بيبقي عبارة عن تفريغ لمحتويات لوحة المحاور والأعمدة بدقة تامة واخراج الأبعاد الخاصه بكل تفصيلة في اللوحه سواء أبعاد عنصر انشائي نفسه أو مسافات بينيه لتلك العناصر. 🔥👌

وبالحديث عن المسافات البينية فدي بنحددها عن طريق المسافة بين أكسات أعمدة واللي بتكون علي صورتين :

1- إن الأكس يكون في منتصف الكمرات -غالباً في منتصف الكمرات سمك 12 سم - يعني بيكون مقاس الأكس 6 سم ودا الشائع. 👌

2- او يكون علي حافة العمود (نظيف العمود) (والحاله دي بتكون افضل في التنفيذ). 👌
"كما في شكل 1 "

أما بقي موضوع (جوا - جوا) ، (برا - جوا) ، (برا - برا ) فدي بترجع لمكان وقوف المهندس اللي بيعمل التحطيط يعني مكان وقوفه بالنسبة لاكسات الاعمدة :

= (جوا - جوا) : بنخصم تخانات الخشب. 👌
= (جوا - برا) أو (برا - جوا) : مفيش خصم تخانات الخشب. 👌
= (برا - برا) : بنزود تخانات الخشب. 👌
وبالمناسبة تخانة الخشب = 2.50 سم

وللتوضيح أكتر فالأشكال طبقاً للصورة بتوضح الكلام دا :-

1- شكل (2) (جوا - جوا ) :
مقاس الحطط = مقاس الأكس - 2 * تخانة ألواح التجليد
= 3.00 - 2 * 0.025 = 2.95 متر 👌

2- شكل (3) ( جوا - برا ) :
مقاس الحطط = مقاس الاكس (مفيش خصم تخانات لان التخانه من الجنب دا هي هياها التخانه) = 3.50 متر 👌

3- شكل (3) ( برا - برا ) :

مقاس الحطط = مقاس الأكس + 2 * تخانة ألواح التجليد
= 4.00 + 2 * 0.025 = 4.05 م

***********************

***********************